Carte blanche économique mat PwC Lëtzebuerg 2018-2019

Nummer #14: Upskilling

loading-player

Playback of this video is not currently available

RTL: „Upskilling“ vum Personal ass en Therm, deen een ëmmer méi oft héiert. Wat ass domadder gemengt.

Patrick Schon: Haut des Daags, ass et ëmmer méi rar, dat Leit déi selwecht Aarbecht wärend hirer berufflecher Karriär maachen. Et gëtt vun den Ugestallten erwaart, dat se flexibel a polyvalent sinn, a wärend hirer aktiver Karriär méi of hiert Aarbechtsfeld ännere - op dat elo hire Wellen ass, oder einfach vum Employeur verlaangt gëtt.

Fir déi Transitioun méi einfach ze maachen, ginn et eng Rei vu Formatiounen. Et kann en en neie Beruff leieren, nei Kompetenze leieren oder sech einfach konstant weider entwéckelen. Déi Formatioune fir d’Personal weider ze entwéckele ginn „Upskilling“ genannt.

RTL: „Upskilling“ ass also en steetegt leieren?

Patrick Schon: D’Praxis vum „Upskilling“ ass eng vun deene groussen Tendenzen an deene leschte Joer an de Resource Humaines. Et besteet doran sech ëmmer am Betrib selwer weiderzëentwéckelen, an sech un dat neit Aarbechtsëmfeld unzepassen. Digitaliséierung an den technologeschen Fortschrëtt an de Betriber hunn de ganze Prozess sécher beschleunegt. Duerch den Upskilling soll d’Personal weiderhin an der Firma operationell bleiwen.

RTL: Ziel ass et also d’Personal an de Betriber ze halen?

Patrick Schon: Jo, duerch déi digital Transformatioun mussen d’Betriber sech sécherlech upassen. Ziel vun de Betriber ass et produktiv a konkurrenzfäeg ze bleiwen. Duerch Automatiséierung, Robotisatioun an den Asaz vu kënschtlecher Intelligenz wäerte sécherlech e puer Beruffer ewechfalen. Vill Léit, déi viru Joren nach ouni IT Kenntnisser auskomm sinn, wäerten sech an Zukunft un d’IT an déi digital Welt gewinne mussen. Doniewent wäerte wahrscheinlech och nei Beruffer geschaaft ginn. Duerch den Upskilling sollen déi aktuell Mataarbechter dës nei Beruffer a Funktiounen ausübe kennen.

RTL: Wéi leeft dat da konkret of?

Patrick Schon: Déi éischt Phas wäert sinn en Bilan vun de Kompetenzen opzestellen, déi et am Moment an dem Betrib ginn. An da muss ee kucken, och virun dem Hannergrond vun der digitaler Transformatioun, un wéi enge Kompetenzen dat en muss schaffen. Wichteg wäert et awer och sinn, dat d’Personal fir dëse Wandel op ass – ouni Bereetschaft vun dem Eenzelen, ass esou eng Transformatioun sécherlech net méiglech.

Previous editions

{{filterContent.facetedTitle}}

{{contentList.dataService.numberHits}} {{contentList.dataService.numberHits == 1 ? 'result' : 'results'}}
{{contentList.loadingText}}
Stay Connected: