Carte blanche économique mat PwC Lëtzebuerg 2018-2019

Nummer #17: Crypto-Assets

loading-player

Playback of this video is not currently available

Op der Welt existéieren Dausende vu verschiddenen Zorte vu Kryptoassets, déi Iech vläicht ënnert dem Ausdrock „Kryptowährung“ e Begrëff sinn. Dir hutt méiglecherweis scho vun e puer vun hinnen héieren — Bitcoin, Ripple, Litecoin an Ethereum waren alleguerte viru Kuerzem Thema an de Noriichten.

RTL: Wat si Kryptoassets dann elo genau?

Chantal Braquet: An der Welt vum Kryptogeld gëtt de Begrëff „Asset“, fir all méiglech Kryptowährung benotzt. Och wa Kryptoassets, genee wéi normaalt Geld, fir ze bezuele benotzt gëtt, kann een awer och nach aner Saache mat hinne maachen. Bitcoins kënnen beispillsweis benotzt ginn fir Waasser ze kafen, mä och fir aner Kryptomënz ze kafen, déi en eegenen inherente Wäert kënnen hunn. E Kryptoasset existéiert nëmmen an digitaler Form. Doriwwer eraus gëtt säi Wäert net duerch Interventioune vu baussen, mä eleng vun der Offer an der Demande festgeluecht. Dowéinst bidde Kryptoassets hiren Investisseuren déi gréisstméiglech Privatsphär.

RTL: Wat kann ee mat enger Kryptowärung kafen?

Chantal Braquet: So mer emol sou: Dir géift mat enger Kryptowärung net äert Iesse bezuelen. An der EU kann een a kengem gréissere Geschäft mat enger Kryptowärung bezuelen. Ausserdeem ass d'Bezuele mat enger Kryptowärung am Allgemenge méi deier an dauert méi laang wéi mat enger unerkannter Wärung, wéi zum Beispill dem Euro. Et gëtt dru geschafft, fir d'Benotze vu Kryptowärungen méi einfach ze maachen, mä am Moment sinn d'Kryptowärungen nach kaum mat richtegem Geld ze vergläichen. Dowéinst gi si vun den Zentralbanken och als „Kryptoassets“ an net als „Kryptowärung“ bezeechent. Hautdesdaags si Kryptowärungen virun allem am Besëtz vu Leit, déi si als Investissement notzen an hoffen, dass hire Wäert klëmmt. Bei puer Kryptowärungen ass de Wäert och an d'Luucht gaangen, mä bei ville Kryptowärungen ass de Wäert däitlech gefall. Wéi Analyse vun der Wäertentwécklung gewisen hunn, sinn Kryptowärungen extrem onberechenbar; an dat souguer am Verglach mat aneren onbestännegen Verméigenswäerter, wéi zum Beispill dem Ueleg.

RTL: Wéi onberechenbar ass de Wäert vu Kryptowärungen?

Chantal Braquet: An zwee Wierder: ganz onberechenbar. Huele mer de Bitcoin als Beispill: Vun 2014 bis Ufank 2019 huet sech den Uelegpräis an engem Dag héchstens ëm 10 % verännert. Dogéint huet sech de Wäert vun engem Bitcoin an engem Dag vill méi staark verännert: Sou ass en een Dag ëm 65 % geklomm an en aneren Dag ëm 25 % gefall. Sou grouss Verännerungen weisen, wéi volatil Kryptowärungen sinn (an de Bitcoin ass nach eng vun de méi stabelen Kryptowärungen). D'Investitioun a Kryptowärungen ass mat engem groussen Risiko verbonnen. Wann Dir also an eng Kryptowärung wëllt investéieren, musst Dir drop virbereet sinn, dass ären Investissement net nëmmen u Wäert gewannen, mä och u Wäert verléiere kann. Et ass souguer méiglech, dass de Wäert vun enger Kryptowärung op Null fält, woumat si wäertlos wier.

Previous editions

{{filterContent.facetedTitle}}

{{contentList.dataService.numberHits}} {{contentList.dataService.numberHits == 1 ? 'result' : 'results'}}
{{contentList.loadingText}}
Stay Connected: