Nummer 6: Den Enregistrement fun engem bail get fakultativ


14/12/2016

loading-player


RTL: Wat ass de Virdeel e bail enregistreiren ze loossen?

Chantal Braquet: Den Enregistrement fun engem bail get dem bail eng „date certaine“ an mecht de bail opposable vis-à-vis vun Drëtten. Dat evitéiert z.B. dat een Proprietär e puer Kontrakter fir déi selwecht Fläch ënnerschreiwt, wéi z.B. bei Iwwerbuchung fir Flich z.B. Dén éischten Locataire deen den Kontrakt enregistréiren geht ass deejéinegen, dee vun Drëtten als Locataire betruecht get.

RTL: Wéi vill kascht den enregistrement vun engem bail ?

Chantal Braquet: 0,6% vum Loyer sin ze bezuelen fir d'Dauer vum Kontrakt y compris de Loyer fir die Joeren vun enger Verlängerung vum Kontrakt. Also fir e Kontrakt vun 3-Joer, reconductibel fir eng Period vun 3 Joer, bezuelt een droit d’enregistrement wéi wann een e Konrakt fir eng Dauer vu 6 Joer ënnerschriwwen hät. Fir een Duerschnëttsloyer fir en Appartement fir 6 Joer sin ongeféier 800 EUR am Verglach mat honnerte vun dausende vun Euro an heiansdo méi wéi eng Millioun fir kommerziell oder Büro Gebaier vun enger bestëmmter Gréisst. Wann nëischt anescht ausgemaach as, ass d'Zomm vum locataire ze bezuelen.

RTL: Ass et üblech dat e bail enregistréiert get ?

Chantal Braquet: Et ass eng Obligatioun, awer an der Praxis gin ëmmer manner Kontrakter beim Enregistrement presentéiert.

RTL: Wat ännert sech mat der Steierreform 2017?

Chantal Braquet: Déi geplangt Ännerung ass den Enregistrement vun engem Bail fakultatif ze maachen. Well manner Kontrakter enregistriéiert goufen, war et eng raisonabel Propositioun. Ausserdem get et eng Diskriminatioun tëschent Locatairen die e bail hun mat TVA an deenen, déi e bail ouni TVA hun. Fir e Kontrakt mat TVA bezuelt een 12 EUR Steieren an fir e Kontrakt ouni TVA bezielt een die 0.6% an dat gin relativ substantiell Zommen fir Gebaier vun enger besteëmmter Gréisst. Den am meeschte betraffene Secteur ass de Finanzsecteur mat Locatairen déi net nëmmen Steier vun 0.6% bezuelen mä och oft "verstoppt" TVA an hire Loyeren hun. Si bezuelen dann zweemol Steier.

Mat der Steiererform kënnen Kontrakter weiderhinn enregistréiert gin. Allerdings muss en dann och d’Steier bezuelen.
 

Stay Connected: